Feliz venres, familias! Coma sempre, os venres déixovos unha proposta lúdica para traballar en familia ao longo da fin de semana. Nesta ocasión, trátase dun xogo de mesa adaptado e traducido ao galego similar ao xogo Just one. Este é un xogo de mesa cooperativo no que todos os participantes xogan para conseguir a mellor puntuación. Xuntos, os xogadores teñen que facer que un deles (o xogador activo) adiviñe unha palabra misteriosa, escribindo en segredo unha pista nun papeliño. Cada un elixe a súa posta sen poñerse de acordo co resto e sendo orixinal para non escribir a mesma palabra que outro xogador. De feito, todas as pistas iguais serán anuladas antes incluso de que o xogador activo poida velas. Ao final da partida, calcúlanse as puntuacións en función do número de palabras misteriosas atopadas.  Para poder xogar deberedes imprimir as tarxetas e recortalas polas liñas de puntos. Recoméndovos que lle peguedes un folio de cores para evitar que traspasen as palabras e inc...

Bo día, familias! Recordades a proposta "E ti, tes memoria de elefante" ? Nesa tarefa o alumnado debía repetir na mesma orde a secuencia de palabras que escoitaba. Pois ben, a proposta de hoxe é unha actividade semellante, onde o alumnado deberá repetir, neste caso, unha secuencia númérica, cada vez máis grande. Comezaremos por un único díxito ata dez. Esta actividade está dirixida á totalidade do alumnado, non obstante, debemos ter en conta que canto menor sexa o cativo/a menos cantidade de números será capaz de recordar e repetir. Por este motivo, cando o neno/a non sexa capaz de reproducir os números que escoita débese parar o audio xa que, de continuarmos, o único que conseguiríamos sería unha maior frustración. Do mesmo xeito, para a rapazada que sexa capaz de seguir a secuencia numérica, podedes seguir ampliándolla verbalizando máis díxitos. Estame avisando de que está dando erros o reproductor do audio, déixovos a ligazón para escoitar o audio por se acaso...

Bo inicio de semana! Como recordaredes, o venres pasado conmemoramos o Día Internacional do Medio Ambiente e, durante esta fin de semana ocorríuseme unha actividade para a proposta de hoxe: trátase dun encrucillado sobre palabras relacionadas cos 3 R: reducir, reutilizar, reciclar.  Trátase dunha actividade moi completa xa que estamos a traballar diferentes aspectos ao mesmo tempo: comprensión lectora, conciencia fonémica e vocabulario específico.  Como ten un léxico de nivel medio-alto, esta actividade está indicada para os cursos medios-altos de educación primaria pero que, coa axuda de adultos poden realizar todas as idades. Tedes os debuxos ao arredor do encrucillado para facilitarvos á tarefa. De todos os xeitos, déixovos tamén AQUÍ a solución en caso de dúbidas.  Xa por último, para un 10 de nota, anímovos a que indaguedes en Internet xa que algúns expertos/as están a falar xa dos 7R en lugar dos 3R para ser un bo consumidor comprometido co medio amb...

Feliz venres, familias! Hoxe, 5 de xuño de 2020 conmemoramos o Día Internacional do Medio Ambiente e, como non podía ser menos, a proposta de hoxe é un visionado dun vídeo relacionado con esta temática.  Segundo os datos recollidos en 2019 cada persoa en España xenera 1,26 kg de residuos urbáns ao día, o que supón case media tonelada ao ano. Multiplicado polos 46.9 millons de habitantes que somos, o resultado produce calafríos: un total de 21,57 millóns de toneladas ao ano de basura municipal. En Estados Unidos a cantidade de lixo por persoa aínda é superior, non obstante, a maioría das persoas nunca pensan dúas veces sobre o seu lixo. Unha vez que está no vertedoiro, fóra da súa vista, está fóra da súa mente. Por este motivo, Rob Greenfield a través dun documental quixo crear unha imaxe visual que axudara ás persoas a comprender a cantidade de lixo que creamos e inspiralos a realizar cambios positivos. Durante 30 días, Rob viviu como un estadounidense medio e usou cada a...

Boa tarde a todxs! Hoxe xa é venres e, tendo en conta que onte foi o Día Internacional do Xogo, hoxe quero compartir convosco unha proposta dun xogo de mesa para que pasedes un bo rato en familia esta fin de semana. Trátase dunha adaptación e tradución do coñecido xogo "Time's up". Neste xogo de mesa debesdes adiviñar o maior número de palabras nun tempo determinado. Como se adiviñan? Pois dependendo da quenda na que vos atopedes teredes que facelo dunha ou doutra maneira. Imos por partes! PREPARACIÓN DO XOGO: Débense facer dous equipos de, cando menos, dúas persoas cada un. Se só xogan tres persoas, unha delas será a encargada de dar todas as pistas. Elíxese unha cor coa que xogaredes que se corresponderá co lado verde ou o laranxa da carta e, posteriormente, repártense 30 cartas entre todos as participantes. Se algunha das palabras non é do voso agrado, podedes cambiala por outra carta das 20 restantes. Unha vez que cada equipo elixiu as cartas coas que vai ...

Bos e solleiros días :) Hoxe déixovos unha proposta para traballar a compoñente morfosintáctica da linguaxe. Trátase dunha actividade de clasificación de formas verbais en presente, pasado e futuro. Está especialmente destinada ao alumnado de cursos intermedios de educación primaria xa que na súa maioría son verbos irregulares. O obxectivo desta ficha é que lean as formas verbais fixándose ben nas súas desinencias e as clasifiquen no tempo que lle corresponda. En caso de dúbidas, recordádelle aos rapaces/as que digan unha oración con esa forma verbal para identificar o sentido de presente, pasado ou futuro. Ao rematar, pódeselles pedir tamén que escriban estas oracións fixándose ben de escribir os verbos correctamente. Déixovos tamén unha ferramenta moi útil para consultar a conxugación de verbos irregulares. Hai varias moi boas pero eu a que máis uso é o conxugador de verbos galegos da USC. https://gramatica.usc.es/pln/gl/tools/conjugador/conjugador.php?texto=escribir B...

Ola familias! Seguimos coa temática da diversidade familiar e, desta volta, traballaremos a comprensión lectora. A proposta de hoxe trátase de 12 ilustracións de familias diversas e catro pequenos textos extraídos do conto infantil "Familias" de Oh! Mami Blue e traducidos ao galego. O obxectivo desta tarefa e que comprendan eses pequenos textos e identifiqnuen a ilustración á que se corresponde.  Trátase dunha actividade interactiva, polo que chegaría con premer sobre a imaxe que crean que é a verdadeira. Ao rematar a actividade dáselle ao botón "¡Terminado!" e móstranse os acertos. De todos os xeitos, se preferides imprimir as fichas e facelas a man, podedes descargalas coma sempre AQUÍ .  Comprensión lectora: FAMILIAS , una ficha interactiva de desireemartinez live worksheets.com Espero que lle saquedes moito proveito para poder dialogar sobre os diversos tipos de familia que existen na nosa sociedade actual e favorecer así a súa visibilizació...

Feliz venres a todos!  Xa falta menos para o 17 de maio, día das Letras Galegas e, como todos os venres, hoxe quero deixarvos unha proposta de actividade lúdica. Trátase dun Escape Room ou xogo de escapismo elaborado polo compañeiro Abel Vale, do CEIP Xoaquin Loriga, centrado no persoeiro homenaxeado este ano, que como xa sabedes é Ricardo Carvalho Calero .  Finalizada a Guerra Civil en España (1939), Ricardo foi apresado por motivos políticos e, con este xogo de escapismo, vós tedes que axudalo a escapar desa condena inxusta. Para isto, tedes que resolver os enigmas formulados ata chegar a obter un código numérico para poder escapar da cadea. MOITA SORTE! Boa fin de semana :) #ficamosnacasa

Ola a todxs! Como comentei onte, xa estamos na semana das Letras Galegas e, aínda que por mor do COVID-19 a Real Academia Galega aplazou o mes pasado o acto presencial para o próximo 31 de outubro, nós seguiremos a rendirlle homenaxe dixital á figura de Ricardo Carvalho Calero ao longo destes días. Hoxe, déixovos unha actividade para aprender as similitudes da nosa lingua coa lingua portuguesa, xa que este ilustre persoeiro defendía que ámbalas dúas eran unha única lingua. Trátase dunha ficha interactiva na que hai que unir as palabras da esquerda (galego) coas da dereita (portugués); é dicir, non fai falta que a imprimades xa que premendo co rato xa estaría. Unha vez a teñades rematada, só tedes que darlle ao botón de "¡Terminado!" para saber o número de acertos obtidos. Moita sorte! -Enténdesme? -Entendo! , una ficha interactiva de desireemartinez live worksheets.com Espero que vos guste a proposta de hoxe e aprendades moito da nosa lingua irmá. Xa vos falara ne...

Bo comezo de semana! Este ano o 17 de maio, día das letras na nosa lingua, está adicado a  Ricardo Carvalho Calero.  Para coñecer un pouco máis deste relevante personaxe, a proposta de hoxe é un material semellante ao publicado nesta ENTRADA , basado no material "Leo, comprendo y me expreso" da editorial Lebón. Como vos comentara, este material está dirixido a rapaces e rapazas que presentan certas dificultades para seguir o aprendizaxe normal da linguaxe escrita nas súas dúas vertentes: lectura e escritura. C omeza cunha breve historia relacionada coa escena do debuxo e unha serie de exercicios de observar e contestar oralmente a preguntas, comprensión lectora, relacionar palabras por campo semántico, sopas de letras, completar texto con palabras, separación de palabras, localizar erros... Espero que vos sexa útil e aprendades moito sobre Ricardo! Se tedes calquera dúbida deixádeme un comentario ou poñédevos en contacto comigo a través da barra despregable da d...

Boa tarde, familias! Como todos os venres, hoxe quero propoñervos unha tarefa lúdica para pasar a fin de semana en familia. Trátase dun xogo de mesa tipo Scrabble ou Apalabrados .  É un xogo que activa o léxico que coñecemos, permítenos realizar estratexias, ampliar novo vocabulario e combinar letras para conseguir o máximo número posible de puntos ao enlazar palabras. Ao mesmo tempo, os cativos/as con dificultades para asociar fonema (son) con grafía (letra) aprenden estas reglas de conversión fonema-grafema e recoñecen as sílabas e as súas combinacións. A miña proposta é que confeccionedes un xogo totalmente caseiro entre toda a familia, de forma colaborativa e pasedes un bo anaco xogando todos xuntos. Anticípovos que na miña casa xa probamos e é moi divertido! Como facelo? O xogo contén unhas fichas cadradas con letras e puntuacións. Déixovos no modelo de abaixo o número de fichas para cada letra e a puntuación de cada letra na versión castelá. Para a vers...

Ola, ola! Xa estamos a xoves e hoxe vouvos deixar unha proposta para traballar a memoria secuencial auditiva. Sabedes de que estamos a falar? A memoria secuencial auditiva é a capacidade de almacenar e recordar a información que se presenta de forma oral de maneira secuencial. Trátase da capacidade e habilidade para recordar e repetir series de estímulos sonoros (palabras ou frases) de diferente lonxitude e na orde exacta. Traballar esta habilidade é fundamental para os nenos que teñen dificultade para seguir instruccións con máis de dúas ordes, para nenos que presentan dificultade para formar palabras polisílabas (p.e. nenos que din murciégalo* en lugar de murciélago*) ou nenos que teñen dificultade para almacenar e relacionar informacións escritas (p.e. nenos que tras ler tres ou catro oracións ou parágrafos dun texto, non recordan o que leron ao principio). Esta actividade consiste en escoitar o audio que atoparedes abaixo no que vou verbalizando secuencias de tres, catro e c...

Bo día, familias! Hai uns días comezamos o mes de maio, o mes das flores. Hoxe déixovos a poesía reivindicativa de Curros Enríquez nas fermosísimas voces de varios artistas para que gocedes deste marabilloso poema musicado publicado polo Consello da Cultura Galega. Para este material vouvos facer as seguintes propostas: Escoitádeo cos cinco sentidos e gozade del bailándoo ou mesmo cantándoo. Para isto, déixovos abaixo o poema escrito para que sigades a letra coa canción. A segunda proposta é de tipo lingüística, para repasar aspectos gramaticáis como as clases de palabra (verbo, sustantivo, adxectivo e artigo). Para isto, deberedes escoitar e anotar como mínimo catro palabras de cada clase. Para o alumnado que precise mais apoios, podedes fixarvos nas palabras destacadas do poema e clasificalas. Se ben o poema está destinado para alumnado de maior idade, estas catro clases de palabras trabállanse dende segundo de educación primaria, polo que a actividade podería...

Bo comezo de semana! O pasado sábado día 2 de maio foi o Día internacional contra o acoso escolar ou bullying. Se estivéchedes atentos ás publicacións deste blog saberedes que me encanta aproveitar todas as conmemoracións para elaborar diferentes propostas didácticas. Esta vez, trátase dun conto que se chama "Todos con Vanesa. Un pequeño gesto puede cambiar el mundo." escrito por Kerascoët da editorial Beascoa. Trátase dun conto ilustrado, sen texto, que conta unicamente con imaxes unha historia basada en feitos reales que por desgracia é máis habitual do que quixésemos nos centros de ensino.  O conto está protagonizado por unha nena que despois de cambiarse de domicilio chega a un colexio novo onde as cousas non son como se esperaba. Un neno métese con ela e faina sentir mal. Por sorte, unha compañeira decátase do acontecido e decide non quedarse de brazos cruzados. Xuntas demostrarán que unha comunidade unida pode con calqueira inxustiza. Este é un libro fantástic...

Bo día, familias! Hoxe quero presentarvos un método que emprego na miña aula para traballar a ortografía, o método de ortografía ideovisual creado por Manuel Sanjuán Nájera e Marta Sanjuán Álvarez da editorial Yalde . Este método é realmente interesante polos debuxos nos que se apoian as palabras con dificultade ortográfica (palabras con b/v, con g/j, ll/y, h...). O obxectivo é a exposición de palabras escritas con debuxos que representan o seu significado, e que se ubican naquelas letras onde o alumnado comete erros. Deste xeito, a memoria visual axúdanos a recordar a escritura correcta destas palabras.  A proposta que vos formulo hoxe está dirixida ao alumnado de niveles medios e superiores de educación primaria xa que co inicio da lectoescritura non debemos centrar tanto a atención na ortografía arbitraria e sí na asociación do sonido (fonema) coa súa representación escrita (letra ou grafía) e viceversa. Trátase dun recopilatorio de 117 tarxetas como as que vedes abaixo ...

Boa tarde, familias! Xa chegou a fin de semana! E coma todos os venres, a proposta de hoxe é máis lúdica. Trátase dun audioconto. Se seguides con asiduidade as entradas publicadas polo  blog da nosa biblioteca seguro que víchedes onte un vídeo moi chulo coas as fotografías da rapazada e profesorado que nos animamos a participar no reto que nos propuxeron dende o Equipo de Biblioteca con motivo do día do libro. Para a miña fotografía escollín o conto infantil titulado "El elefante encadenado" do psicólogo arxentino Jorge Bucay. Por este motivo, hoxe quero lervos e contarvos esta fermosa historia para que comprendades por que me gusta tanto. Espero que vos guste a historia tanto coma a min e que vos sirva para falar cos vosos cativos sobre os medos e inseguirdades que aprendemos ao longo da nosa vida e da importancia de non rendirse nunca, porque desfacerse desa "estaca" na que estamos encadeados é moito máis fácil do que realmente cremos.  Unha apert...

Ola a todos! Hoxe, 23 de abril, conmemoramos o Día Internacional do Libro, celebración cuxo obxectivo principal é fomentar a lectura e o hábito lector. Durante estes días de confinamento, a música, o debuxo, o exericio físico e a lectura son a mellor forma de manter un equilibrio e saúde mental e física. En concreto, a lectura permítenos manter a cabeza ocupada e desconectar desta situación a través de fermosas poesías ou viaxando a outros mundos fantásticos sen movernos da casa.  Como non podía ser doutra forma, a proposta de hoxe está relacionada con esta conmemoración. En primeiro lugar, buscade tres libros que teñades pola casa, non importa que sexan libros para adultos, vale calquera tipo de libro. Estades preparados? Aí imos! RETO 1: TES MEMORIA DE ELEFANTE?  Lede un a un o título de cada libro, memorizádeo e, sen mirar, tratade de recordar todas as letras do título, se había algún "h", "b" ou "v", algunha tilde ou maiúscula......

Boa tarde familias! Hoxe, 22 de abril, conmemoramos o Día Internacional da Terra, celebración cuxo obxectivo é crear conciencia sobre os problemas da sobrepoboación, contaminación e a conservación da biodiversidade entre outras preocupacións ambientais. Aproveitando esta data, a proposta de hoxe é unha comprensión dunha curtametraxe titulada "Rang-tan: la historia del bebé orangután y el aceite de palma" que trata sobre a problemática da extinción dos orangutáns a causa da deforestación dos bosques para obter aceite de palma. A diferencia do vídeo que podedes atopar en Youtube, neste incorporei pequenas pausas nas que formulei preguntas con resposta de opción múltiple para facer seguemento da comprensión do vídeo. Tan só hay que darlle ao "play", ler e respostar as preguntas. Se ben é certo que este fermoso e crítico vídeo está destinado a calquer rapaz/a, o nivel de dificultade das preguntas está adaptado para os primeiros cursos de educación primaria.   ...

Ola, ola! Comeza a fin de semana e con ela, que mellor que aprender un pouquiño máis de lingua de signos (LSE)?  Como xa sabedes, os nenos e nenas do CEIP Rosalía de Castro coñecen e empregan nun montón de idiomas diferentes: lingua castelá, lingua galega, lingua inglesa e, pouco a pouco, lingua de signos. Isto do plurilingüismo, ademais de contribuir cunha maior competencia neses idiomas, ten efectos positivos no noso cerebro e fomenta aspectos tan importantes como a conciencia e tolerancia lingüística e cultural, aspectos moi relevantes na educación para unha cidadanía diversa e democrática. Pois ben, hoxe déixovos este breve vídeo con vocabulario básico para iniciar unha conversa en lingua de signos: "Ola", "Que tal?", "Como te chamas?", etc. Anímovos a que o poñades e vaiades practicando canda min e, se vos atrevedes, podedes mandarme un vídeo signando algo ao meu correo electrónico: desiree.martinez@edu.xunta.es.  Recordade que tedes neste...

Ola familias! Xa estamos en Semana Santa! E aínda que estas están a ser unhas vacacións bastante inusuais, é tempo para desconectar e coller folgos para o próximo trimestre. Por este motivo, hoxe déixovos unha selección de aplicacións para tablet (Android) que emprego co meu alumnado que acude ás sesións de Audición e Linguaxe co fin de que a rapazada siga traballando dende as súas casas diferentes destrezas pero dun xeito máis lúdico. As primeiras serven para traballar a lectoescritura co alumnado dos primeiros cursos de educación primaria e con aqueles doutros cursos que presentan dificultades específicas de aprendizaxe relacionadas coa lectoescritura. Entre as segundas atoparedes apps para traballar atención, memoria visual e auditiva, discriminación auditiva de sons cotiás, vocabulario... Espero que sexan do voso interese. Animádevos a deixar un comentario contándome que tal vos foi! Xa queda menos para volver ás aulas :) #ficamosnacasa