Feliz venres, familias! Coma sempre, os venres déixovos unha proposta lúdica para traballar en familia ao longo da fin de semana. Nesta ocasión, trátase dun xogo de mesa adaptado e traducido ao galego similar ao xogo Just one. Este é un xogo de mesa cooperativo no que todos os participantes xogan para conseguir a mellor puntuación. Xuntos, os xogadores teñen que facer que un deles (o xogador activo) adiviñe unha palabra misteriosa, escribindo en segredo unha pista nun papeliño. Cada un elixe a súa posta sen poñerse de acordo co resto e sendo orixinal para non escribir a mesma palabra que outro xogador. De feito, todas as pistas iguais serán anuladas antes incluso de que o xogador activo poida velas. Ao final da partida, calcúlanse as puntuacións en función do número de palabras misteriosas atopadas.  Para poder xogar deberedes imprimir as tarxetas e recortalas polas liñas de puntos. Recoméndovos que lle peguedes un folio de cores para evitar que traspasen as palabras e inc...

Bo día a todxs! Hoxe déixovos unha proposta de actividade que me pediu unha familia para traballar a discriminación do fonema /sh/ e /ll/ e a súa correspondencia na escrita. Trátase dunha actividade interactiva para completar palabras seleccionando a opción correcta entre as dúas dadas. O único que tedes que facer é premer sobre a letra X ou o dígrafo LL para cada palabra e, unha vez rematadas todas, pulsar sobre "¡Terminado!" e xa vos sairá arriba de todo o número de acertos e de erros. De quererdes a ficha en formato pdf para imprimir, podedes premer AQUÍ para descargar o documento e imprimilas.   Espero que sexa do voso agrado. Xa sabedes que se tedes outras propostas de actividades podedes escribirme na barra despregable da dereita en "Formulario de contacto" ou a través do meu correo electrónico desiree.martinez@edu.xunta.es Escríbense con x ou ll? , una ficha interactiva de desireemartinez live worksheets.com #ficamosnacasa

Bo día, familias! Recordades a proposta "E ti, tes memoria de elefante" ? Nesa tarefa o alumnado debía repetir na mesma orde a secuencia de palabras que escoitaba. Pois ben, a proposta de hoxe é unha actividade semellante, onde o alumnado deberá repetir, neste caso, unha secuencia númérica, cada vez máis grande. Comezaremos por un único díxito ata dez. Esta actividade está dirixida á totalidade do alumnado, non obstante, debemos ter en conta que canto menor sexa o cativo/a menos cantidade de números será capaz de recordar e repetir. Por este motivo, cando o neno/a non sexa capaz de reproducir os números que escoita débese parar o audio xa que, de continuarmos, o único que conseguiríamos sería unha maior frustración. Do mesmo xeito, para a rapazada que sexa capaz de seguir a secuencia numérica, podedes seguir ampliándolla verbalizando máis díxitos. Estame avisando de que está dando erros o reproductor do audio, déixovos a ligazón para escoitar o audio por se acaso...

Bo día, familias! O outro día chegoume un comentario de que a última actividade de atención e percepción visual gustara moito, por este motivo hoxe comparto convosco outra similar. Trátase dunha actividade na que hai que atopar as 8 diferencias entre as dúas imaxes que vedes abaixo. É unha tarefa fantástica para xusto antes de poñerse a traballar en calquera tipo de actividade académica posto que axuda a captar e centrar a atención a todos aqueles rapaces e rapazas que teñen dificultades atencionales e/ou TDAH. Tamén, é unha boa opción para todo o alumnado ao que lle guste este tipo de actividades.  Como vos comentara noutra ocasión, se non tedes impresora non vos preocupedes xa que non é necesario imprimir a imaxe. Podedes descargala e abrila no ordenador ou na tablet cun programa tipo Paint e visualizar o debuxo e rodear as diferencias. Animádevos a deixar un comentario comentando que tal vos foi e, recordade que podedes facer suxerencias para novas actividades a tra...

Bo día a todxs! A proposta de hoxe é unha tarefa de lectura fonolóxica. Xa vos teño comentado do beneficiosas que son este tipo de tarefas para os cativos/as que teñen dificultades específicas de aprendizaxe da lectoescritura e/ou Dislexia. Nesta ocasión, deberán identificar as letras que sobran en cada unha das palabras e escribilas correctamente á súa dereita. Déixovos as solucións AQUÍ  por se fosen necesarias.  Espero que sexa do voso interese. Non dubidedes en escribirme suxeríndome novas actividades da temática que vos interese. Estarei encantada de recibir as vosas suxerencias :) #ficamosnacasa

Bo inicio de semana! Que tal estades? Hoxe damos comezo a un novo mes, o mes de xuño. Xa estamos a mediados deste ano atípico... que rápido pasa o tempo! Pois ben, ocorríuseme unha actividade para repasar os meses do ano e mais a súa correspondencia numérica cando escribimos a data curta. Déixovos un exemplo: DATA LONGA: Luns, 1 de xuño de 2020 DATA CURTA: 1/ 6 /20 Unha das características dalgúns nenos e nenas que veñen ás miñas sesións de AL como aqueles que teñen Dislexia ou TDAH é a dificultade para recordar series memorísticas como os días da semana, os meses, as estacións do ano... Por iso, esta actividade vai especialmente adicada para todos eles, aínda que tamén está recomendada para todo o alumnado que precise repasar estes aspectos. Ademais, nesta actividade tamén traballamos a comprensión lectora, xa que non é o mesmo ler unha palabra que entender o significado da mesma, e isto é imprescindible para facer este exercicio.  Trátase, por tanto, dunha act...

Boa tarde a todxs! Hoxe xa é venres e, tendo en conta que onte foi o Día Internacional do Xogo, hoxe quero compartir convosco unha proposta dun xogo de mesa para que pasedes un bo rato en familia esta fin de semana. Trátase dunha adaptación e tradución do coñecido xogo "Time's up". Neste xogo de mesa debesdes adiviñar o maior número de palabras nun tempo determinado. Como se adiviñan? Pois dependendo da quenda na que vos atopedes teredes que facelo dunha ou doutra maneira. Imos por partes! PREPARACIÓN DO XOGO: Débense facer dous equipos de, cando menos, dúas persoas cada un. Se só xogan tres persoas, unha delas será a encargada de dar todas as pistas. Elíxese unha cor coa que xogaredes que se corresponderá co lado verde ou o laranxa da carta e, posteriormente, repártense 30 cartas entre todos as participantes. Se algunha das palabras non é do voso agrado, podedes cambiala por outra carta das 20 restantes. Unha vez que cada equipo elixiu as cartas coas que vai ...

Bo día! A proposta de hoxe vai encamiñada a traballar as dificultades na lectoescritura de palabras con sílabas trabadas. Trátase dunha adaptación e tradución ao galego dunha ficha de Arasaac onde aparecen unha serie de debuxos e ao seu lado dúas palabras (unha correcta e outra incorrecta). Os cativos/as deberán identificar a palabra á que fai referencia o debuxo, ler as dúas opcións posibles e colorear o cadro onde está a opción correcta. Esta actividade está especialmente dirixida aos primeiros cursos de educación primaria xa que é onde máis se producen este tipo de erros. Do mesmo modo, é útil para o alumnado doutros cursos que presente dificultades específicas de aprendizaxe da lectoescritura ou dislexia. Espero que vos sexa de utilidade. Animádevos a deixar un comentario contándome que tal vos foi. Apertas virtuais :) #ficamosnacasa

Bo día, familias! A proposta de hoxe vai encamiñada a traballar as dislalias, é dicir, os erros da fala a nivel articulatorio, e máis concretamente, aqueles que se producen por unha substitución da vibrante simple /r/ pola oclusiva dental /d/ ou viceversa.  Trátase dunha serie de fichas onde se deben rodear os debuxos que aparecen nelas de dúas cores diferentes en función de se levan o fonema /d/ (en vermello) ou o fonema /r/ (en verde). Tamén, inclúo unha táboa para clasificar estas palabras en dúas columnas traballando así a conversión fonema-grafema no caso de que estes erros a nivel oral se traduzan tamén na escrita. O obxectivo é que os nenos e nenas fixen a atención nos debuxos e vaian dicindo un a un os nomes que representan esas imaxes identificando así o son da mosca /d/ ou o son da moto /r/.  Déixovos a listaxe de vocabulario por se hai dúbidas en canto aos debuxos. Páx. 1: cara, loro, regadeira, dedo, xaneiro, dente, ouro, dado, puro, diñeiro,...

Bo día! Hoxe entramos na fase 2  do plan de desescalada e xa podemos ir ás nosas fermosas praias tomar o sol e bañarnos. Por isto, hoxe déixovos esta proposta tan veraniega aproveitando o bo tempo que nos está a acompañar estes útlimos días. Trátase dunha actividade para traballar a atención e a percepción visual. Seredes capaces de atopar as 8 diferencias entre estas dúas imaxes? Como vos teño dito, non é necesario imprimir a imaxe xa que a podedes descargar e abrir no ordenador ou na tablet e cun programa tipo Paint e visualizar o debuxo e rodear as diferencias. Ánimo! Xa queda menos :) #ficamosnacasa

Ola familias! Seguimos coa temática da diversidade familiar e, desta volta, traballaremos a comprensión lectora. A proposta de hoxe trátase de 12 ilustracións de familias diversas e catro pequenos textos extraídos do conto infantil "Familias" de Oh! Mami Blue e traducidos ao galego. O obxectivo desta tarefa e que comprendan eses pequenos textos e identifiqnuen a ilustración á que se corresponde.  Trátase dunha actividade interactiva, polo que chegaría con premer sobre a imaxe que crean que é a verdadeira. Ao rematar a actividade dáselle ao botón "¡Terminado!" e móstranse os acertos. De todos os xeitos, se preferides imprimir as fichas e facelas a man, podedes descargalas coma sempre AQUÍ .  Comprensión lectora: FAMILIAS , una ficha interactiva de desireemartinez live worksheets.com Espero que lle saquedes moito proveito para poder dialogar sobre os diversos tipos de familia que existen na nosa sociedade actual e favorecer así a súa visibilizació...

Bo día familias! Xa vos teño falado da importancia de posuír un bo nivel en coñecemento fonolóxico (conciencia de palabra, sílaba e fonema) para previr e atallar as dificultades na lectoescritura. Nesta ocasión, traballaremos a primeira de todas, a conciencia de palabra ou conciencia léxica. Esta destreza permite identificar e manipular de forma deliberada as palabras que compoñen as frases ou oracións. Pois ben, coa proposta de hoxe, seguiremos traballando o conto " Con Tango son tres " xa que con esta actividade escoitaredes oracións extraídas da lectura. O obxectivo desta tarefa será identificar o número de palabras coas que conta cada oración. Para iso, o alumnado deberá escoitar ben atento unha a unha as seis oracións e, coa axuda dos dedos, irán contando as palabras a medida que se vaian pronunciando. Saberedes identificar a oración máis longa? e a máis curta? Xa vos decataredes de que, ao tempo que traballamos esta habilidade metalingüística, con esta actividade ...

Ola a todxs!  Aproveitando a fermosa lectura de onte titulada " Con Tango son tres " protagonizada por dous pingüíns macho que querían formar unha familia, a proposta de hoxe é unha tarefa para traballar o uso de maiúsculas nas oracións. Trátase de nove oracións extraídas deste conto que están mal escritas xa que presentan erros no uso destas maiúsculas. A rapazada deberá identificar estes erros e corrixilos, escribindo correctamente a oración embaixo nas pautas. Esta actividade está destinada especialmente para o alumnado de primero de primaria e para todos aqueles doutros cursos con dificultades de aprendizaxe da lectoescritura que presenten erros neste aspecto.  Animádevos a enviarme fotografías do traballo dos vosos cativos/as. Xa sabedes que podedes facelo a través do meu correo electrónico desiree.martinez@edu.xunta.es Estarei encantada de ver eses progresos :) Un saúdo! #ficamosnacasa

Bo comezo de semana! O pasado venres 15 de maio, tiñamos unha data moi importante que conmemorar: o Día Internacional da Familia. Ao mesmo tempo, onte, domingo 17 de maio, celebrábase tamén en todo o mundo o Día Internacional contra a homofobia, transfobia e bifobia. Pois ben, segundo a Orde do 20 de xuño de 2019 pola que se aproba o calendario escolar para o presente curso e mais o artigo 26.2 da Lei 2/2014, do 14 de abril, pola igualdade de trato e non discriminación de lesbianas, gays, transexuais, bisexuais e intersecuais en Galicia , para favorecer a visibilidade e integrar de forma transversal a diversidade afectivo-sexual, os centros docentes sostidos con fondos públicos deben realizar actividades específicas próximas ás datas de celebración internacionais relacionadas co recoñecemento efectivo do dereito destas persoas.  A actividade de hoxe, por tanto, vai nesa liña. Trátase dun fermoso audioconto chamado " Con Tango son tres". Esta é a historia real de dous ...

Feliz venres a todos!  Xa falta menos para o 17 de maio, día das Letras Galegas e, como todos os venres, hoxe quero deixarvos unha proposta de actividade lúdica. Trátase dun Escape Room ou xogo de escapismo elaborado polo compañeiro Abel Vale, do CEIP Xoaquin Loriga, centrado no persoeiro homenaxeado este ano, que como xa sabedes é Ricardo Carvalho Calero .  Finalizada a Guerra Civil en España (1939), Ricardo foi apresado por motivos políticos e, con este xogo de escapismo, vós tedes que axudalo a escapar desa condena inxusta. Para isto, tedes que resolver os enigmas formulados ata chegar a obter un código numérico para poder escapar da cadea. MOITA SORTE! Boa fin de semana :) #ficamosnacasa

Bo día familias! Xa que onte traballamos o conto infantil " As pitas baixo a choiva " do homenaxeado das Letras Galegas deste ano,  Ricardo Carvalho Calero , hoxe tráiovos unha proposta para traballar a comprensión lectora destinada ao alumnado do primeiro curso de educación primaria. Trátase dunha ficha cun galo debuxado. Lebrades que onte no conto estábamos a falar dun galo? Pois será este galo o que teñan que colorear os cativos/as seguindo as instruccións localizadas na marxe esquerda da ficha. Deste xeito, deberán ler detidamente cada oración, comprendendo o que se di e colorear as partes do galo según está estipulado. Ademais, ao mesmo tempo, aprenderán vocabulario sobre as partes do corpo das aves e, en concreto, deste tipo. Déixovos, por último, a canción e a letra de As pitas baixo a choiva para que a escoitedes e a cantedes cos cativos. Que cantidade de palabras temos no léxico galego para facer referencia ao mesmo fenómeno atmosférico!  É unha pasad...

Bo día, familias! Hoxe quero presentarvos unha das obras do homenaxeado das Letras Galegas deste ano Ricardo Carvalho Calero . Trátase do conto " As pitas baixo a choiva ", un relato breve que narra un feito anecdótico da infancia do autor. O neno descobre, desde a fiestra da casa, que as pitas estanse a mollar e téntaas facer entrar no galiñeiro. Elas asústanse e, ao final, todos os membros da familia acaban mollados como pitos. Déixovos un vídeo feito polos compañeiros do CEIP Vilaverde-Mourente cunha adaptación do texto completo. Non obstante, de quererdes ler o conto enteiro, podedes acceder AQUÍ. A miña proposta para este conto é unha ficha de secuencias temporais para que os nenos e nenas, tras escoitar o conto, sexan capaces de ordear cronolóxicamente as imaxes para volver a compoñer a historia de inicio a fin. Déixovos tamén AQUÍ as solucións por se fosen necesarias en caso de dúbida.  Animádevos a deixarme un comentario contándome que tal vos ...

Ola a todxs! Como comentei onte, xa estamos na semana das Letras Galegas e, aínda que por mor do COVID-19 a Real Academia Galega aplazou o mes pasado o acto presencial para o próximo 31 de outubro, nós seguiremos a rendirlle homenaxe dixital á figura de Ricardo Carvalho Calero ao longo destes días. Hoxe, déixovos unha actividade para aprender as similitudes da nosa lingua coa lingua portuguesa, xa que este ilustre persoeiro defendía que ámbalas dúas eran unha única lingua. Trátase dunha ficha interactiva na que hai que unir as palabras da esquerda (galego) coas da dereita (portugués); é dicir, non fai falta que a imprimades xa que premendo co rato xa estaría. Unha vez a teñades rematada, só tedes que darlle ao botón de "¡Terminado!" para saber o número de acertos obtidos. Moita sorte! -Enténdesme? -Entendo! , una ficha interactiva de desireemartinez live worksheets.com Espero que vos guste a proposta de hoxe e aprendades moito da nosa lingua irmá. Xa vos falara ne...

Boa tarde, familias! Como todos os venres, hoxe quero propoñervos unha tarefa lúdica para pasar a fin de semana en familia. Trátase dun xogo de mesa tipo Scrabble ou Apalabrados .  É un xogo que activa o léxico que coñecemos, permítenos realizar estratexias, ampliar novo vocabulario e combinar letras para conseguir o máximo número posible de puntos ao enlazar palabras. Ao mesmo tempo, os cativos/as con dificultades para asociar fonema (son) con grafía (letra) aprenden estas reglas de conversión fonema-grafema e recoñecen as sílabas e as súas combinacións. A miña proposta é que confeccionedes un xogo totalmente caseiro entre toda a familia, de forma colaborativa e pasedes un bo anaco xogando todos xuntos. Anticípovos que na miña casa xa probamos e é moi divertido! Como facelo? O xogo contén unhas fichas cadradas con letras e puntuacións. Déixovos no modelo de abaixo o número de fichas para cada letra e a puntuación de cada letra na versión castelá. Para a vers...

Ola, ola! Xa estamos a xoves e hoxe vouvos deixar unha proposta para traballar a memoria secuencial auditiva. Sabedes de que estamos a falar? A memoria secuencial auditiva é a capacidade de almacenar e recordar a información que se presenta de forma oral de maneira secuencial. Trátase da capacidade e habilidade para recordar e repetir series de estímulos sonoros (palabras ou frases) de diferente lonxitude e na orde exacta. Traballar esta habilidade é fundamental para os nenos que teñen dificultade para seguir instruccións con máis de dúas ordes, para nenos que presentan dificultade para formar palabras polisílabas (p.e. nenos que din murciégalo* en lugar de murciélago*) ou nenos que teñen dificultade para almacenar e relacionar informacións escritas (p.e. nenos que tras ler tres ou catro oracións ou parágrafos dun texto, non recordan o que leron ao principio). Esta actividade consiste en escoitar o audio que atoparedes abaixo no que vou verbalizando secuencias de tres, catro e c...