Boa tarde, familias!
Como todos os venres, hoxe quero propoñervos unha tarefa lúdica para pasar a fin de semana en familia. Trátase dun xogo de mesa tipo Scrabble ou Apalabrados.
É un xogo que activa o léxico que coñecemos, permítenos realizar estratexias, ampliar novo vocabulario e combinar letras para conseguir o máximo número posible de puntos ao enlazar palabras. Ao mesmo tempo, os cativos/as con dificultades para asociar fonema (son) con grafía (letra) aprenden estas reglas de conversión fonema-grafema e recoñecen as sílabas e as súas combinacións.
A miña proposta é que confeccionedes un xogo totalmente caseiro entre toda a familia, de forma colaborativa e pasedes un bo anaco xogando todos xuntos. Anticípovos que na miña casa xa probamos e é moi divertido!
Como facelo?
O xogo contén unhas fichas cadradas con letras e puntuacións. Déixovos no modelo de abaixo o número de fichas para cada letra e a puntuación de cada letra na versión castelá. Para a versión en galego, debedes eliminar as letras que non saen no alfabeto galego (j, k, w, y). Abaixo déixovos o modelo en branco para que tomedes como referencia. Debedes facer unha cuadrícula e despois debuxar e decorar as letras con rotuladores, pinturas, lápices... empregando a vosa creatividade. Despois, podedes plastificalas para alongar a súa vida útil.
Como se xoga?
Para dar comezo á partida, o primeiro xogador collerá sete fichas dunha bolsa/caixa onde estarán todas xuntas. Combinará dúas ou máis letras para formar unha palabra colocándoa enriba da mesa. Despois, pasará a quenda ao seguinte xogador que fará o mesmo engadindo letras á palabra que xa estaba formada creando palabras novas. Cada xogador obterá puntos por todas as novas palabras que forme na súa quenda. Está permitido dicir "paso" en calquera momento do xogo ou cambiar parte ou todas as fichas o xogador que queira na súa quenda. A partida finalizará cando ningún xogador poida colocar fichas no taboleiro ou ambos xogadores pasen dúas veces consecutivas. Finalmente, o xogador que gañará a partida é o que máis puntos conseguiu en total.
Para dar comezo á partida, o primeiro xogador collerá sete fichas dunha bolsa/caixa onde estarán todas xuntas. Combinará dúas ou máis letras para formar unha palabra colocándoa enriba da mesa. Despois, pasará a quenda ao seguinte xogador que fará o mesmo engadindo letras á palabra que xa estaba formada creando palabras novas. Cada xogador obterá puntos por todas as novas palabras que forme na súa quenda. Está permitido dicir "paso" en calquera momento do xogo ou cambiar parte ou todas as fichas o xogador que queira na súa quenda. A partida finalizará cando ningún xogador poida colocar fichas no taboleiro ou ambos xogadores pasen dúas veces consecutivas. Finalmente, o xogador que gañará a partida é o que máis puntos conseguiu en total.
E agora... a xogar!
#ficamosnacasa
Comentarios
Publicar un comentario
Graciñas polo teu comentario :)