XOGO DE MESA: JUST ONE

Feliz venres, familias!

Coma sempre, os venres déixovos unha proposta lúdica para traballar en familia ao longo da fin de semana. Nesta ocasión, trátase dun xogo de mesa adaptado e traducido ao galego similar ao xogo Just one. Este é un xogo de mesa cooperativo no que todos os participantes xogan para conseguir a mellor puntuación. Xuntos, os xogadores teñen que facer que un deles (o xogador activo) adiviñe unha palabra misteriosa, escribindo en segredo unha pista nun papeliño. Cada un elixe a súa posta sen poñerse de acordo co resto e sendo orixinal para non escribir a mesma palabra que outro xogador. De feito, todas as pistas iguais serán anuladas antes incluso de que o xogador activo poida velas. Ao final da partida, calcúlanse as puntuacións en función do número de palabras misteriosas atopadas. 

1. Para poder xogar deberedes imprimir as tarxetas e recortalas polas liñas de puntos. Recoméndovos que lle peguedes un folio de cores para evitar que traspasen as palabras e incluso plastificalas para alongar a súa vida útil. Barallade as cartas e sacade 13 ao chou para formar un montón boca abaixo no centro da mesa, o resto de cartas non se empregarán nesa partida. Escollede a un xogador que será o primeiro xogador activo que sacará a primeira carta do montón sen mirala (os demais, sí) e elixirá un número do 1 ao 5 para indicarlle ao resto de xogadores a palabra misteriosa que debe adiviñar.  (Se os xogadores non coñecen a palabra, poderán buscala no diccionario ou pedirlle ao xogador activo que elixa outro número). 
2. Despois, sen poñerse de acordo e sin ensinárllela aos demais, cada xogador escribirá unha pista nun papeliño. Esta pista debe estar composta por unha única palabra. 
3. Cando todos os xogadores teñan escritas as súas pistas, o xogador activo pecha os ollos e, nese momento, o resto de xogadores comparan as pistas. Todas as que sexan idénticas quedarán anuladas. 
4. Finalmente, o xogador activo abre os ollos e ten que adiviñar a palabra coa axuda das pistas que quedan. Apúntanse os acertos e pásase a quenda ao xogador da esquerda que pasa a ser o novo xogador activo. 
5. A partida termínase cando non queden cartas na pila. Nese momento faise un reconto das cartas adiviñadas e compárase o total con esta táboa para ver a puntuación obtida: 

Boa fin de semana!
#ficamosnacasa