Bo día a todxs! Ás veces, o alumnado que está iniciando a lectoescritura comete erros de unións e fragmentacións de palabras. Estes erros adoitan desaparecer axiña según van profundizando na lectoescritura. Non obstante, aqueles alumnos que presentan dificultades de aprendizaxe precisan un maior adestramento para corrixir estas dificultades.  Estes erros adoitan producirse porque o neno/a non chegou a comprender o concepto de palabra, polo que é preciso traballar este concepto tanto de xeito oral como escrito (conciencia léxica).  Xa que outro día vos presentei o audioconto do Monstro de Cores, hoxe déixovos esta proposta metodolóxica para traballar o concepto de palabra (conciencia léxica) baseada neste material. Trátase dunha selección de oracións extraídas do conto no que todas as súas palabras están unidas. Débese ler inicialmente toda a liña e acto seguido verbalizar as palabras unha a unha mentres as contamos cos dedos. Posteriormente, cómpre separar as palabr...

Bo comezo de semana! A proposta para hoxe é outro xogo para contribuir á interiorización e maduración das nocións espaciais así como ao afianzamento da distribución e da posición no espazo do alumnado que presenta inmadurez á hora de interiorizar, desenvolver ou afianzar ditos conceptos. Déixovos dous modelos estruturados: un máis doado e outro máis complicado para que escollades o máis apropiado en función do neno/a. Do mesmo xeito, déixovos as solucións para que, no caso de haber erros, comprobedes onde se produxeron. Por último, nas páxinas 4 e 5 do pdf podedes atopar dous modelos libres para que vos animades a crear os vosos propios percorridos para xogar cos rapaces/as. Como sempre, non fai falla imprimir o documento, xa que o podes visualizar na pantalla do ordenador ou na tableta. Porén, para os que tedes impresora, marcando con ceras o percorrido podedes facilitarlle a tarefa aos nenos/as que presenten máis dificultades. Recordade que os nenos teñen que poñerse ...

Bo día, familias! Como xa vos falei na entrada sobre a importancia das rutinas  , é moi importante que no voso día a día lle adiquedes un tempo á lectura en contextos lúdicos para fomentar o hábito lector dos vosos fillos/as. Por outro lado, tendo en conta a situación que estamos atravesando resulta imprescindible axudarlles a verbalizar as súas emocións sen recrearse nin engadir máis dramatismo pero tampouco restándolle importancia ao que sinten.  Por todo isto, a proposta que vos fago hoxe é un audioconto que seguro que moitos de vós coñecedes: "O Monstro de Cores". Como é moi probable que a maioría das familias non dispoñan do conto na casa, coa colaboración do mestre de Audición e Linguaxe do CEIP Xoaquín Loriga, puxémoslle voz e música para facer unha montaxe e que todas o teñades ao voso alcance. Do mesmo xeito, propóñovos unha actividade para despois da lectura na que ademais de traballar lectoescritura, a rapazada deberá reflexionar e pensar dúas situ...

Boa tarde familias! Numerosos estudos demostran a importancia da instrucción en coñecemento fonolóxico na aprendizaxe da lectoescritura, especialmente co alumnado con dificultades de aprendizaxe. Hoxe propóñovos un xogo que todos coñecedes, o "Vexo-vexo", pero cunha pequena particularidade: a pista que deberemos dar é a sílaba inicial da palabra . Déixovos unha plantilla onde aparecen diferentes debuxos de palabras para que vos apoiedes visualmente mentres xogades. Non fai falta imprimir as plantillas xa que se pode xogar mirando directamente á pantalla do ordenador ou na tableta.  Unha vez adiviñada a palabra, podemos pedirlle á rapazada que escriba a palabra nun caderno, pizarra ou o que teñades a man. Se vos fixades, todas as palabras comezan por sílabas directas cuxas primeiras letras corresponden coas que se inicia o proceso lectoescritor (m, p, l, t, s); é por isto que este xogo está adaptado especialmente a aqueles nenos/as que se atopan nunha fase inic...

Bo día a todxs! Ao longo deste curso o alumnado do cole foi aprendendo para algunhas conmemoracións do calendario escolar (Nadal e Día da Paz) diferentes cancións en lingua de signos: "Campana sobre campana", "Los peces en el río" e "Campás pola paz" . Como sabedes, a lingua de signos é a lingua oficial das persoas xordas, é dicir, aquelas persoas que por calquera circunstancia non poden oír.  As persoas xordas, igual que as persoas oíntes, son todas diferentes: algunhas teñen unha pérdida auditiva moderada, outras total, outras son xordas de nacemento, outras por algunha enfermidade perderon a audición despois de aprender a falar e así un sinfín de casuísticas diferentes. É por isto que algúns xordos/as se comunican oralmente, outros apóianse na lectura labial, outros empregan a lingua de signos... A proposta de hoxe consiste nun pequeno obradoiro de Lingua de Signos Española (LSE) para aprender o abecedario dactilolóxico, é dicir, o abecedario feito...

Boa tarde! Hoxe comparto convosco unha tarefa para traballar tres prerrequisitos moi importantes para a lectoescritura: a atención, a lateralidade e a orientación espacial. Ás veces, os profes decatámonos que moitos dos nosos alumnos/as presentan dificultades para orientarse no espazo, sobre todo cando comezan a escribir no caderno nos primeiros cursos de educación primaria. Saber onde teñen que empezar a escribir, cantos números teñen que escribir en cada cuadrícula, que separación deixar entre liñas... non é tarefa doada! Do mesmo xeito, distinguir a esquerda da dereita tamén é unha das dificultades máis habituais. Por iso, déixovos esta sinxela proposta para a que só precisaredes unha folla cuadriculada (dun caderno, por exemplo) e un lápis e unha goma que teñades na casa! A idea é que copiedes nesa folla cuadriculada as cenefas seguindo o patrón proposto abaixo. Recordade contar ben os cadrados! Se vos animades a facer esta actividade, podedes sacarlle unha foto e comparti...

Ola a todxs! A Televisión de Galicia, en colaboración coa Consellería de Educación, Universidade e Formación Profesional, súmase a iniciativa da TVE de facilitar ao alumnado unha nova vía para recibir os contidos educativos por por mor do COVID-19 a través dunha programación especial.  Trátase dunha variada oferta de programas en áreas diversas como xeografía, xeoloxía, historia, experimentación... Esta programación emítese dende o luns 23 a través da segunda canle, a G2, en horario de 11.00 a 13:00h de luns a venres e está dirixido ao alumnado das diferentes etapas educativas. Para ter máis información, pinchade AQUÍ . Eu aproveitei para volver a ver aqueles debuxos de "Era unha vez..." que tanto me gustaban de pequena. Se vós tamén vos animades a velos cos máis pequenos, deixade un comentario contando se lles gustaron tanto coma a nós.  Unha aperta! #euficonacasa

Ola familias! Hoxe déixovos unhas láminas moi chulas atopadas en Pínterest para traballar a percepción, a atención e o vocabulario expresivo. Este tipo de actividades resultan moi útiles para iniciar as sesións de traballo con todo o alumnado en xeral e, especialmente, con aqueles que presentan dificultades atencionais derivadas ou non de TDAH.  Nesta actividade tedes que atopar os elementos que busca cada personaxe agochados nesas montañas de obxectos (podedes imprimir as láminas ou facelo directamente sinalando na pantalla do ordenador ou na tableta). Para engadirlle máis emoción, podedes xogar cos cativos a modo de competición a ver quen atopa o maior número de elementos ou quen os localiza antes. Para traballar a rapidez na evocación de palabras, pedídelle ao neno/a que unha vez atopado un obxecto que diga en voz alta o nome do mesmo antes de pasar a buscar o seguinte.  Deixádeme un comentario e contádeme que tal vos foi :) Un saúdo! #ficamosnacasa

Ola a todxs! Xa é luns e comezamos unha nova semana cunha proposta moi interesante para todos aqueles pequenos artistas do cole (e para todos aqueles que, coma min, non son moi habilidosos debuxando pero teñen moitas ganas de aprender). Leandro Lamas, un coñecido pintor e ilustrador, realizará un segundo obradoiro de debuxo paso a paso hoxe luns ás 16:00h a través da súa páxina de Facebook , debido ao éxito do primeiro realizado o pasado luns 16 a través da mesma canle.  Estan iniciativa forma parte do movemento #euficonacasa iniciado por diferentes artistas e persoeiros co fin de ofrecer á cidadanía alternativas de ocio para o confinamento nos fogares durante estes momentos que estamos a vivir.  Aquí vos deixo os pasos a seguir para a elaboración do deseño do primeiro obradoiro e mais o resultado final dunha das persoas que seguiron a Leandro dende a súa casa. Se non queredes perdervos este segundo obradoiro, sede puntuais! Recordade que sempre podedes compartir as f...

Bo día familias! O Ministerio de Educación e Formación Profesional en colaboración coa RTVE pon en marcha "Aprendemos na casa", unha programación especial de televisión dirixida a alumnos de entre 6 e 16 anos dirixida especialmente a aquelas familias que carecen de recursos ou con dificultades de conexión á rede para seguir as actividades on-line proporcionadas polos centros educativos e os seus docentes tralo estado de alarma decretado polo Goberno para conter a propagación do COVID-19.  Trátase dunha programación de 5h diarias de contidos educativos que se emitirán a partir do luns 23 en aberto durante as mañás, de luns a venres en Clan TV e en La 2 de TVE. Para consultar os horarios das diferentes materias, pinchade AQUÍ . Mañá estarei diante da televisón analizando os contidos. Os que queirades, podedes comentar debaixo nos comentarios as vosas opinións. Espero que sexa de utilidade. Unha aperta! #euficonacasa

Son consciente que todas as familias son diferentes e viven diferentes realidades. Ademais, sen dúbida algunha, esta situación que estamos a vivir engade complexidade as nosas vidas diarias: as tarefas domésticas, exercer de pai/nai, o teletraballo (para os máis afortunados), as preocupacións pola situación actual...e agora tamén exercer de "mestres/as" das vosas crianzas. Lonxe de presionar ou esixirvos nada, quero transmitirvos tranquilidade xa que agora mesmo as prioridades están claras: minimizar o risco a contaxios, permanecer na casa e levar a situación o mellor posible.  Con todo, é importante, polo ben da rapazada, seguir traballando na casa e reforzar contidos aprendidos. É por isto que a recomendación que vos fago é establecer rutinas para os nenos/as mediante a creación dun horario e intentar seguilo de luns a venres. Ademais dos deberes ou das diferentes actividades propostas polos titores/as, é un bo momento para incorporar todas aquelas tarefas que polo axetr...

Ola, ola! A proposta que vos fago hoxe vai especialmente adicada ás familias para facilitar a tarefa de explicar e acompañar o mundo emocional infantil fronte ao COVID-19. Trátase de tres lecturas dispoñibles en diferentes idiomas: inglés, francés, castelán... e o último tamén en galego. "Ola son un virus curmán da gripe e do resfriado... e chámome Coronavirus"  un descargable da Psicóloga Manuela Molina para comprender a enfermidade e axudar aos nenos a verbalizar as súas emocións. "Coronavirus non é un príncipe nin unha princesa"  un conto de María Coco Hernando que narra a visión do coronavirus a través da óptica optimista dun neno duns 7 anos e o seu día a día na casa durante a cuarentena.   "Misión: quedarse na casa" un conto coloreable e con moita maxia de Dalmaus para comprender a importancia de por que non hai que saír á rúa durante estes días. Para acceder aos documentos só tedes que pinchar enriba do título do material e axiña se abr...

Ola a todxs! Para os que non me coñecedes, son Desirée a mestra de Audición e Linguaxe do CEIP Rosalía de Castro (Padrón). O meu labor é prestar atención docente directa e individualizada a aquel alumnado de primaria que presente necesidades específicas de apoio educativo no eido da comunicación, da linguaxe (tanto oral coma escrita) e da fala. Tendo en conta a situación na que nos atopamos dende o venres 13 de marzo por mor do COVID-19 decidín crear este espazo para ofrecer unha serie de propostas educativas para manter a mente ocupada así como servir de canle de comunicación co alumnado e coas familias ata que voltemos ás aulas. A primeira tarefa que vos propoño é elaborar unha pancarta para pegar nunha ventá da vosa casa cun arco da vella e unha mensaxe animosa coma a que vedes abaixo (imaxe extraida da conta de IG @educamagic). Podedes empregar calquer tipo de material: ceras, pintura de dedos, témperas, rotuladores... O obxectivo é pasar bos momentos en familia e dar ánimos á...