Saltar ao contido principal

E AGORA QUE? A IMPORTANCIA DAS RUTINAS

Son consciente que todas as familias son diferentes e viven diferentes realidades. Ademais, sen dúbida algunha, esta situación que estamos a vivir engade complexidade as nosas vidas diarias: as tarefas domésticas, exercer de pai/nai, o teletraballo (para os máis afortunados), as preocupacións pola situación actual...e agora tamén exercer de "mestres/as" das vosas crianzas. Lonxe de presionar ou esixirvos nada, quero transmitirvos tranquilidade xa que agora mesmo as prioridades están claras: minimizar o risco a contaxios, permanecer na casa e levar a situación o mellor posible. 
Con todo, é importante, polo ben da rapazada, seguir traballando na casa e reforzar contidos aprendidos. É por isto que a recomendación que vos fago é establecer rutinas para os nenos/as mediante a creación dun horario e intentar seguilo de luns a venres. Ademais dos deberes ou das diferentes actividades propostas polos titores/as, é un bo momento para incorporar todas aquelas tarefas que polo axetreo diario non podemos adicarlle tanto tempo ou aquelas outras que erroneamente consideramos menos importantes pero que nestes momentos, máis que nunca, nos axudan a manter un equilibrio e saúde mental e física nestos tempos de reclusión. 
Nese horario sería recomendable que incorporásedes en maior ou menor medida os seguintes puntos:
  • Tarefas domésticas: fomentar a participación dos nenos en tarefas como facer a cama, cociñar, recoller a mesa, ordear o cuarto, asearse só...
  • Tarefas académicas: estudo ou realización das diferentes actividades propostas polos titores.
  • Tarefas creativas: manualidades, debuxos, escoitar música, construccións...
  • Exercicio físico: estiramentos, xincanas caseiras, exercicios para mover diferentes grupos musculares, yoga, baile... (podedes poñer un vídeo dun profesional especializado en Youtube ou noutras plataformas virtuais e seguir con coidado as instruccións).
  • Ocio en familia: xogos de mesa, trucos de maxia, videoxogos...
  • Lectura individual e compartida (tedes acceso a literatura infantil e xuvenil de forma  totalmente gratuíta a través da plataforma de empréstito de obras en formato electrónico das bibliotecas públicas galegas)
  • Xogo libre: calquera tipo de xogo que escolla o neno/a (ollo cos dispositivos electrónicos).
  • Audiovisuais: visionado de películas, debuxos animados, documentais...
  • Manter contacto social: falar por teléfono con seres queridos, amigos e familiares, facer videochamadas a través das redes sociais e da tecnoloxía (sempre baixo supervisión dun adulto).

Déixovos este exemplo de horario para que tomedes como referencia e adaptedes como mellor podades á vosa realidade concreta (pero porfi, dádelle moita importancia á lectura). Pola miña parte, a través deste blog irei propoñéndovos diferentes actividades xeráis máis lúdicas que podedes adaptar en función da idade dos vosos fillos e aproveitar para facer conxuntamente mellorando así a convivencia familiar nestes delicados momentos. Por último, informarvos que se pinchades na barra desplegable que hai na esquina superior dereita sairavos un formulario de contacto onde podedes facerme calquera aclaración ou consulta de xeito privado. 

Moito ánimo, recordade que non estades sós!
Grazas pola vosa inestimable colaboración. 

#ficamosnacasa
Etiquetas:

Comentarios

Publicar un comentario

Graciñas polo teu comentario :)

Publicacións populares deste blog

ORTOGRAFÍA VISUAL B/V

Bo día, familias! Hoxe quero presentarvos un método que emprego na miña aula para traballar a ortografía, o método de ortografía ideovisual creado por Manuel Sanjuán Nájera e Marta Sanjuán Álvarez da editorial Yalde . Este método é realmente interesante polos debuxos nos que se apoian as palabras con dificultade ortográfica (palabras con b/v, con g/j, ll/y, h...). O obxectivo é a exposición de palabras escritas con debuxos que representan o seu significado, e que se ubican naquelas letras onde o alumnado comete erros. Deste xeito, a memoria visual axúdanos a recordar a escritura correcta destas palabras.  A proposta que vos formulo hoxe está dirixida ao alumnado de niveles medios e superiores de educación primaria xa que co inicio da lectoescritura non debemos centrar tanto a atención na ortografía arbitraria e sí na asociación do sonido (fonema) coa súa representación escrita (letra ou grafía) e viceversa. Trátase dun recopilatorio de 117 tarxetas como as que vedes abaixo ...
Publicar un comentario
Ler máis

MEMORIA AUDITIVA SECUENCIAL

Bo día, familias! Recordades a proposta "E ti, tes memoria de elefante" ? Nesa tarefa o alumnado debía repetir na mesma orde a secuencia de palabras que escoitaba. Pois ben, a proposta de hoxe é unha actividade semellante, onde o alumnado deberá repetir, neste caso, unha secuencia númérica, cada vez máis grande. Comezaremos por un único díxito ata dez. Esta actividade está dirixida á totalidade do alumnado, non obstante, debemos ter en conta que canto menor sexa o cativo/a menos cantidade de números será capaz de recordar e repetir. Por este motivo, cando o neno/a non sexa capaz de reproducir os números que escoita débese parar o audio xa que, de continuarmos, o único que conseguiríamos sería unha maior frustración. Do mesmo xeito, para a rapazada que sexa capaz de seguir a secuencia numérica, podedes seguir ampliándolla verbalizando máis díxitos. Estame avisando de que está dando erros o reproductor do audio, déixovos a ligazón para escoitar o audio por se acaso...
Publicar un comentario
Ler máis

FUNCIÓNS EXECUTIVAS: CONTROL INHIBITORIO

Bo día a todxs! Hoxe déixovos unha proposta destinada especialmente para todo aquel alumnado que presenta Trastorno por Déficit de Atención con ou sin Hiperactividade (TDA/TDAH). Esta actividade ten como obxectivo traballar as funcións executivas, máis concretamente o control inhibitorio. As funcións executivas son actividades mentais complexas necesarias para planificar, organizar, guiar, revisar e avaliar o comportamento necesario para acadar metas. Os nenos e nenas con TDA ou TDAH presentan dificultades nestes aspectos, de tal modo que o control inhibitorio é unha das funcións executivas esenciais no traballo co alumnado con TDAH para a mellora da impulsividade conductual. A proposta de hoxe consiste en dicir en voz alta o nome da cor na que están escritas as seguintes palabras , non na lectura das mesmas. Este é o denominado fenómeno Stroop. Para facer correctamente esta actividade é necesario impedir a intrusión dun proceso automático como é a lectura indicando a cor da tinta...
Publicar un comentario
Ler máis