LATERALIDADE E LETRAS ESPECULARES (p-q-d-b)

Ola a todxs!

Hoxe tráiovos unha proposta moi completa que serve para traballar moitísimas cousas: atención e percepción visual, lateralidade, conciencia fonolóxica... Esta actividade está especialmente destinada ao alumnado que confunde as letras p-q-b-d cando se introduce na lectura de textos escritos con tipografía de imprenta unha vez dominada a lectoescritura con letra ligada. Esta dificultade está debida a que estas grafías son simétricas entre sí con respecto ao eixo vertical p-q e b-d e con respecto ao eixo orizontal p-b e q-d.

Do mesmo xeito, está recomendada tamén para o alumnado con necesidades diversas como pode ser aqueles que presenten dificultades específicas de aprendizaxe no ámbito da lectoescritura e/ou dislexia así como para todos aqueles que teñan dificultades no eido perceptivo a causa dun déficit atencional e/ou TDAH.

Esta tarefa consta de dúas partes:

Na primeira deberán identificar a letra inicial de cada un dos debuxos que aparecen aí: p (pato), b (barco), q (queixo), d (dado) e rodear as letras que aparecen debaixo da mesma cor que están rodeados os debuxos de arriba. Deste modo, deberán rodear todas as letras "p" de cor amarelo, as letras "b" de cor azul, as "q" de verde e as "d" de vermello. Finalmente, para seguir traballando a atención e mais o conteo, pódense contar o número que hai de cada unha destas letras e contestar á pregunta optativa do final. A miña recomendación é que lle digades ao neno/a que escolla unha letra e vaia fila a fila buscándoa para evitar distracciones obtendo así unha maior velocidade na execución da tarefa.
Na segunda parte, deberán buscar as letras p-q-b-d agochadas nas palabras e colorealas seguindo o mesmo patrón que na ficha anterior; é dicir, as letras "p" de cor amarelo, as "b" de cor azul, as "q" de cor verde e as "d" de cor vermello.

Se non tedes a posibilidade de imprimir estas fichas na casa, podedes escribir nun folio as letras ao chou e que as rodee dándolles vós o patrón de cor e, do mesmo xeito, podedes escribir as palabras de abaixo para que rodee as letras coas cores que lle digades. Iso sí, recordade que a letra que fagades debe ser de imprenta, non ligada.

Animádevos a mandarme unha foto coas vosas tarefas, estarei encantada de velas :)

Coma sempre, podedes subilas AQUÍ ou enviarmas ao meu correo electrónico:

desiree.martinez@edu.xunta.es

Un saúdo e...

#ficamosnacasa

Comentarios

Publicacións populares deste blog

OS MESES

Bo inicio de semana! Que tal estades? Hoxe damos comezo a un novo mes, o mes de xuño. Xa estamos a mediados deste ano atípico... que rápido pasa o tempo! Pois ben, ocorríuseme unha actividade para repasar os meses do ano e mais a súa correspondencia numérica cando escribimos a data curta. Déixovos un exemplo: DATA LONGA: Luns, 1 de xuño de 2020 DATA CURTA: 1/ 6 /20 Unha das características dalgúns nenos e nenas que veñen ás miñas sesións de AL como aqueles que teñen Dislexia ou TDAH é a dificultade para recordar series memorísticas como os días da semana, os meses, as estacións do ano... Por iso, esta actividade vai especialmente adicada para todos eles, aínda que tamén está recomendada para todo o alumnado que precise repasar estes aspectos. Ademais, nesta actividade tamén traballamos a comprensión lectora, xa que non é o mesmo ler unha palabra que entender o significado da mesma, e isto é imprescindible para facer este exercicio. Trátase, por tanto, dunha activid

Ler máis

ORTOGRAFÍA VISUAL B/V

Bo día, familias! Hoxe quero presentarvos un método que emprego na miña aula para traballar a ortografía, o método de ortografía ideovisual creado por Manuel Sanjuán Nájera e Marta Sanjuán Álvarez da editorial Yalde . Este método é realmente interesante polos debuxos nos que se apoian as palabras con dificultade ortográfica (palabras con b/v, con g/j, ll/y, h...). O obxectivo é a exposición de palabras escritas con debuxos que representan o seu significado, e que se ubican naquelas letras onde o alumnado comete erros. Deste xeito, a memoria visual axúdanos a recordar a escritura correcta destas palabras. A proposta que vos formulo hoxe está dirixida ao alumnado de niveles medios e superiores de educación primaria xa que co inicio da lectoescritura non debemos centrar tanto a atención na ortografía arbitraria e sí na asociación do sonido (fonema) coa súa representación escrita (letra ou grafía) e viceversa. Trátase dun recopilatorio de 117 tarxetas como as que vedes abaixo con

Ler máis

MEMORIA AUDITIVA SECUENCIAL

Bo día, familias! Recordades a proposta "E ti, tes memoria de elefante" ? Nesa tarefa o alumnado debía repetir na mesma orde a secuencia de palabras que escoitaba. Pois ben, a proposta de hoxe é unha actividade semellante, onde o alumnado deberá repetir, neste caso, unha secuencia númérica, cada vez máis grande. Comezaremos por un único díxito ata dez. Esta actividade está dirixida á totalidade do alumnado, non obstante, debemos ter en conta que canto menor sexa o cativo/a menos cantidade de números será capaz de recordar e repetir. Por este motivo, cando o neno/a non sexa capaz de reproducir os números que escoita débese parar o audio xa que, de continuarmos, o único que conseguiríamos sería unha maior frustración. Do mesmo xeito, para a rapazada que sexa capaz de seguir a secuencia numérica, podedes seguir ampliándolla verbalizando máis díxitos. Estame avisando de que está dando erros o reproductor do audio, déixovos a ligazón para escoitar o audio por se acaso

Ler máis

Buscar neste blog