Bo día familias!
Hoxe déixovos unha proposta destinada para todos aqueles rapaces e rapazas que acuden ás sesións de AL por dislalias, neste caso, por erros nas articulación dos fonemas /r/ e /d/.
É habitual que ao comezo da aprendizaxe da lectoescritura haxa nenos que cometan erros escribindo palabras como cadamelo* en lugar de caramelo. A maior parte das veces, este erro é causado unha mala articulación na fala. Do mesmo xeito, aínda que menos frecuente, é o caso inverso nenos/as que din, por exemplo, /fireo/ en lugar de /fideo/ e o traducen na escrita da mesma maneira.
O material que os achego consiste nun xogo tipo "memory". Para xogar, tedes que imprimir dúas copias de cada folla (ou se sodes uns artistas, facer os debuxos a man). Unha vez o teñades listo, dádelle a volta e mirade se transparenta o debuxo xa, que nese caso, podedes pegar a folla a unha cartolina. Despois, recortade polas liñas de puntos e seleccionade varias parellas coas que queirades traballar. Colocádeas boca abaixo formando ringleiras e comezade a xogar. Podedes incorporar máis cantidade de parellas en función da capacidade de memorización do neno. Por quendas, tedes que levantar dúas tarxetas de cada vez e dicir o nome do debuxo identificando se esa palabra leva o son /r/ suave ou o son /d/.
Agora, temos que distinguir se o neno ten dificultades para pronunciar correctamente os dous sons ou se, pola contra, tamén comete erros na escrita xa que a intervención será diferente para cada caso.
SE OS ERROS SÓ SE PRODUCEN NA ARTICULACIÓN DA FALA (LINGUAXE ORAL)
Se o neno ten dificultades á hora de pronunciar correctamente estes fonemas, podedes apoiarvos nestas tarxetas que vedes abaixo para distinguilos ben. Na aula de AL asociamos o fonema /r/ suave co son da moto e o fonema /d/ co son da mosca. Ademais, debedes recordarlle aos nenos que para articular o son da moto (/r/ suave), temos que colocar a lingua dentro da boca, detrás dos incisivos superiores e facela vibrar e, para o son da mosca (/d/), temos que sacar a punta da lingua fóra entre os dentes. Para traballar isto, podedes darlle unha a unha as tarxetas e as vaia clasificando en dous montóns diferenciando se teñen o son da moto /r/ suave ou o son da mosca /d/ ao mesmo tempo que as articula.
SE OS ERROS SÓ SE PRODUCEN NA ARTICULACIÓN DA FALA (LINGUAXE ORAL)
Se o neno ten dificultades á hora de pronunciar correctamente estes fonemas, podedes apoiarvos nestas tarxetas que vedes abaixo para distinguilos ben. Na aula de AL asociamos o fonema /r/ suave co son da moto e o fonema /d/ co son da mosca. Ademais, debedes recordarlle aos nenos que para articular o son da moto (/r/ suave), temos que colocar a lingua dentro da boca, detrás dos incisivos superiores e facela vibrar e, para o son da mosca (/d/), temos que sacar a punta da lingua fóra entre os dentes. Para traballar isto, podedes darlle unha a unha as tarxetas e as vaia clasificando en dous montóns diferenciando se teñen o son da moto /r/ suave ou o son da mosca /d/ ao mesmo tempo que as articula.
SE OS ERROS SE PRODUCEN ADEMÁIS NA ESCRITURA (LINGUAXE ESCRITA)
Se o neno/a ademais de pronunciar de forma incorrecta os dous sons, tamén traduce estes erros á escrita podedes propoñerlles que fagan autoditados, é dicir, que vaian collendo unha tarxeta de cada vez e que nun caderno ou folla escriban as palabras do debuxo. Despois con estas palabras pode crear oracións e escribilas, etc.
Se tedes calquera dúbida poñédevos en contacto comigo. Xa sabedes que podedes escribirme no despregable da dereita en "Formulario de contacto" ou a través do meu correo electrónico:
desiree.martinez@edu.xunta.es
Un saúdo!
#ficamosnacasa
Comentarios
Publicar un comentario
Graciñas polo teu comentario :)